Kunan chunka huknilluq junio killapim, ñawpa pachamantaraq kaypi tiyaq runakuna, Musuq Wata qallariyta chaskinku. Qichwa rimaq runakuna, aymara rimaq runakuna, mapuche rimaq runakunam, huk rimaykuna rimaqkunapas rurankum.

Paykunapa iñiyninkupim kay killapi Musuq Wata qallarin. Chaypaqmi ñawpa punchawkunamanta haywakuykunata allichakunku, hinallataq maypi Tayta Intita chaskinankupaqpas minkanakunkuspa illanku. Inti lluqsiymuqtam suyanku. Paytam riqsiykunku haywakuykunata kañaspanku. Chaynapim uchuy suyupi yachaq runakuna achikyarqunku chaskikuywan. Kay qillqasqa tukuykaman Andahuaylas suyupi, Puno suyupi, Ayacucho suyupi, Cusco suyupipas apakuchkarqam.

Qichwa runakunapa hamuytayninpiqa kay pachapim Musuq Wata chayamun. Tiyananku allpankupim, kay pachapaq, llapa rurukuna intipa chayamuyniwan puqurin. Chaytam riqsiykunku hinaspa Tayta Intiman haywakuyta qunku; riqsikuyniyuq runaka kasqankuta waqachinankupaq. Chakiq mikuykuna (sara, trigo, kinwa, purutu, achita, tarwi), miski ruruna (chirimuya, lukma), sallqapi tarpusqa papakunapas puqurinkum. Kay pacham iskayman watata rakintaq. Kay killamantam usyay pachaman yaykunku, chaynallataq rurukuna huñusqankuwan kawsayman pachaman. Kay killapitaqmi Tayta Wamanimanpas, uywankunata raymichaspa, uywanku allin kachisqanmanta haywakuykunata qunku.

Kay rurayqa ñawpa pachakunamantaraqchá hamun, Caral llaqtapipas tarikunraqmi. Kunan pachakunam qichwa runakuna, huk runakupas yuyamanarispa rurachkanku. Unay pachañam mañana rurarqakuchu. Huk iñiypiñam karqaku. Ichaqa pi kasqankuta, maymanta kasqantu yuyaymarispam kutichkankum. Qipa watakunamanqa mirarinqachá.