Kuna punchawpi Epicentro.Tv Juan Carlos Condoripawan Ruth Ingaluquepa llimpinku mana chaskisqa kasqanmanta willakamun. Paykunam Biblioteca Nacional del Perúpa llimpikuna riqsichinanpi churanankupaq apachirqaku, ichaqa uraykarqachinkum. Kay rurayqa "Brisas del Titicaca, Puno en el Bicentenario, Cultura e Identidad" apakuqpi riqsinakupaqmi karqa.

Juan Carlos Condoripa llimpinmi 9 punchaw enero killapi, 2023 watapi, Puno suyupi sasachakuy apakusqanta qawachin. Llimpim puno runapa umanpi chay sasachakuykuna kasqan rikarin. Chaymi awqanakuy apakusqan pachapi runakuna wañusqanta hinallata mana qunqasqankuta rikarichin. Ruth Ingaluqueñataqmi Perú suyupa kamachiqnin Dina Boluartepa “Puno suyuqa manam Perú suyuchu” nisqanta, manam chiqapchu chay rimasqaykiqa niqhina llimpirqusqa. Paypa llimpinpim huk warmipa millqayninpi runakuna imaymana banderayuqkama rikarinku. Walinpa yana patanniyuqpa chawpimpim Perú suyupa banderan llimpisqa tarikun. Yana llimpiqa wañuqkunapa kasqantam rikarichin.