“VI CONGRESO INTERNACIONAL REDFEIAL” RURAKUYNINMANTA
Popayán llaqtapi, Cauca, Colombia suyupim hatun rimanakuy chunka tawayuq punchawmanta chunka suqtayuq punchawkama apakurqan. Kaypim 550 runakuna kimsa punchawpuni uyariq rirqanku. Hinallataq, 250 qatipaq rimaqkuna, chunka hukniyuq suyukunamanta huñunakurqanku: Argentina, Bolivia, Brasil, Colombia, Costa Rica, Chile, Ecuador, México, Perú, Venezuela hinallataq Guatemala. Pachak suqta chunka runakunam huk suyukunamanta rirqanku. Chunka pichqayuq ayllukunam Abya Yalamanta huñunakurqunku.
Kay “VI Congreso Internacional de la RedFEIAL” pim chunka hukniyuq patmi rakinasqapi rimanakuyta qispirqachinku. Warmi qarim qatipasqankumanta, yachayninkunamanta, rurayninkunamanta lliwman riqsirqachinku.
QALLARIYNIN
Chunka tawayuq punchawtam agosto killapi lliw runakunam Teatro Municipal Guillermo Valenciapi hatun rimanakuyta qallarirqanku. Luis Enrique López Hurtado qatipaqmi nin: iskay chunka waranqa uywanakuypi iskaysimipi yachachiqkunatam Perú suyupi munachkaniku. Hinallataq, kimsa harawiqkuna sumaqta harawiykunku. Mary Grueso harawiqmi afrocolombina harawinkunata takiykurqan, Fredy Chikangana runasimipi qillqasqan harawinkunata harawiykurqan. Chunka pichqayuq punchawtam Universidad del Cauca-pi lliw llamkaykunata riqsichirqanku. Hinallataq, chunka hukniyuq patmi rimanakuyqa Auditorio del Banco de la Repúblicapim rurakurqan.
TUKUYNIN
Chunka suqtayuq punchawtam llapa runakuna huñunakuspa Universidad Autónoma Indígena Intercultural-pa audiotorionpi rimanakuyta tukurqanku. Kay huñunakuymi takiywan tusuywan tukurqan. Ancha kusikuywanmi lliw riqkuna rimanakuyta tukuykurqanku.
DONACIONES
