Perú suyupa yunkanman yaykunapi tarikuq Chachapuyas llaqtanpim huk Acuerdo de Calbido del 19 de julio del año 1792 qillqata tarirqunku. Kay qillqapim rimay yachay qatipaq Jairo Valqui Culqui qichwa rimay qulluchinankupaq kasqanta qatiparqun. Chay kamachiytam, 2025 watapa 30 punchaw julio killanpi, Acuerdo de Consejo n.° 058-2025-MPCHwan manaña kamachiyniyuq kananpaq rurarqunku. Kaywanmi unay watakunaña qichwa rimay millasqa kasqanta wichqaykunku. Chaynallataq qichwa rimaqkuna sarunchasqa kasqantuta pampachaykun.

Hinallataqmi Municipalidad de Chachapoyaspa allpanpi qichwa rimay chinkasqanta yapamanta mallwarichinqa, qichwa rimay qulluchiypaq ñawpa kamachiy qillqata manaña kutichinankupaq rimanakurqun; chaynallataq imayna kasqanmanta runamisinchik chiqnikuykunata tukuchinankupaqpas rimarqunku.