Perú suyupim imayna mana takikuna, tusuykuna, rimaykuna; musyaykuna, hamuntaykuna tarikunku. Kaykunam ñawpa pachakunamantaraq hamunku, wakinkuñataqmi chayraq paqarimunku. Chaynam takikunapas kanku. Wakinkum qipa watakunamantaraq chayamunku, wakinkunañataq hichpa watakunallamanta hamunku. Kayna kananpaqa takiqniwan taki waqachiqninpa, uyariqnin runakunapa kasqanwanmi kayna kan.

Wakin takiqkunam taytamamankupawan llaqtankupa takiyninkuta waqaychanku hinaspa takinku. Kaypim tarikun Yesenia Alanya. Paymi qichwa rimaypiraq utaq castilla simi rimaypiraq waynu nisqata takin. Akllasqa takiyninpim qichwa runakunapata utaq hukkunapa kusikuyninkuta, hamutayninkuta, llakiyninkuta, musquyninkuta miski takiyninwan llanllarichin. Takiyninqa usyay killapi wayrahinam wayqun wayqun, qasan qasan, urqun uqun, kuchun kuchun mastarikuspanmi qichwa runapa llaqtanman chayaykun hinaspa rikcharichin.

Miski takiyninwanmi Ayacucho suyupi, setiembre killapa 27 viernes punchawninpi, llapa riq runakunata kusirichinqa. Takiqwan tinkuyqa El Bardos Cultura, Sabor y Tradición wasipim kanqa. Kayqa wasiqa Jr. Quinua N° 109 (Quinua-Libertad), Huamanga llaqtapi tarikun. Yesenia Alayam pusaq chisinkuy uramantam chaypi tankiqa. Takiynin uyariq munaqkunam rinanchik. ¡Amapunim chayman riyta qunqankichikchu!