Ñawpa pachamanta Perú suyupi yachaqkunapa kamachiqninkunam rimariyninkuta huqarirqamunkuña. Paykunaqa Perú Librepa 7106/2023-CR kamachikuywan warmakuna yachiypaq yachaywasiman yaykunankupaq hurqumuy munasqankuwanmi mana allinchu tarikunku. Perú suyupa Congreso de la Repúblicanpim kamachikuqkuna lluqsirqachimuptinkuqa Ñawpa Pachamanta Hamuq Rimaykunapi yachay wasikunamanmi, kastilla simi rimay yachaqkuna, yaykunqaku. Chaywanmi warmakunapa rimayninku taksayachiy, kallpanchariy mana kanqachu.

Chay kamachikuymi warmakunapa rimayninku, llaqtankupa kawsayninku yachaspa kallpanchanankuta mana allinman chayachinqa. Chaynapim Federación Nativa del Río Madre de Dioswan Afluentes (FENAMAD), Central de Comunidades Nativas de la Selva Central (CECONSEC), Nación Qichwa huñunakusqakunapi kamachikuqkuna rimarirqamunku. Paykunam sayapakuspanku manam chay kamachiytaqa lluqsimuwaqchikchu; ichaqa allichanaykichikraqqmi ninkum.

Unayñam Perú Librapa kayna rurayninqa. Chayta ruraspankum huk watapas kamachikuq Pedro Castillota ñawpa pachamanta kaypi tiyaqkunawan piñakachirqaku.