Kay 7 punchaw octubre killapim, yachay qatipaqkuna Néstor G. Taipe Campospa, Hibela E. Taipe Huaracapatawan María A. Ramos Marmolejopa maytu qillqankuta riqsichinqaku. Paykunam Watuchis. Adivinanzas quechuas de los Andes centrales: Ontología relacional andina en acto maytu qillqata llapa qillqa ñawinchaqkunaman chayaykachinqa. Kay rurayqa Universidad Nacional San Cristóbal de Huamangapa Centro Culturalninpa rimana wasinpim, 06: 00 chisinkuy uramantam, apakunqa.

Yachay qatipaqkunam watuchikunapi runakunapa yachayninku kasqanta tarirqunku. Watuchikunaqa manam asikuyllapaqchu nitaq wichiy kachinakunallapaqchu. Ruyankunapa yachayninta, hamutaynin, musquyninta qawachin. Chaytam ancha riqsikuywan chaskiykunanchik. Kay sasachakuy pachapi mana mayman runapa riyninchik yachasqanchikpim, ñawpa runakunapa yachayninman anchuykachispa pi kasqanchikta, maypiña kasqanchik qawarichinwanchik.