Kunan punchawmanmi tayta Luis Felipe Mujica Bermúdezpa wañukuynin willakuywan Perú suyu achikyaykun. Kay marzo killapa 5 punchawninpi tayta Luis kay pachata saqiykun. Payqa qichwa rimay, qichwa runakunapa yachaynin, hamutaynin yachay qatipaypi ruqaraqmi karqa; chaynallataq, yachiqkunapa yachaynin llanllariypi llamkaq karqa. Kay nisqakunapi qumpirispa ñan kichariqmi karqa, hinallataq warma sipaskuna, maqtakuna kallpanchakuspankupa ñawpaman rinankupaq kallpanchariq karqa. Chaynapim, paykuna qipa watakunaman kichasqa ñanta mirarichinanpaq ñanman churirqa.

Kunanmi ayllunkuna, riqsininkuna, qillqan ñawinchaqkuna ancha llakikuywan tarikunku. Chaynallataq Andahuaylas Universidad Nacional José María Arguedaspi yachaq warmakuna, yachachiqkuna kachkanku.

Hamutaypachamantam tayta Luis Felipe Mujica Bermúdez haywakuyta apachimuykiku. Hawkallayá wayrapa sukayninta, qunipa takiyninta uyarispa, puyupa wiqinta upyaspa ñawpachka.