Qayna 28 noviembre killapa punchawpim Ministerio de Educación achka ruraykunawan raymicharqun. Kay ruraymanmi Lima llataqtapi Educación Intercultural Bilingüepi yachapakuq warmakuna, yachachiqkuna, kamachikuqkuna anchuykunku.

Huknin rurayninpim yachay qatipaqkunapa qawayninwan llapa qillqakuna yachaychiypaq paqarichisqankuta riqsiykachimunku. Chaynapim quechua norteño rimaypi, yunka kichwa rimaypi, matsigenka rimaypi, ashaninka rimaypi, shipibo-konibo rimaypi qillqasqa maytukuna riqsichimunku. Kay lluqsichimuyninkuwantaqmi, Minedupi llamkaqkuna, ñawpa pachamanta hamuq rimaykunata chaninchaykunku hinallataq waqaychankunku. Hinaspataqmi qipa hamuq warmakuna rimanankupaq saqiykunku, chaynallataq kunan pachakunapi kallpancharinakupaqpas rurarqunku.